Question

"Білім керек бәріне" әңгіме құрау

Answer 1

Білім-адамзаттың көрсеткіші, айнасы. Дана халқымыз "Білімдінің күні жарық, білімсіздің күні кәріп" деп, бекер айтпаған. Білім адамның сауатын ғана емес, көзін де ашып, адамды надандықтан алыстатады. Білім-өмір шырағы. Өміріңдегі жанып тұрған алау, сені алдыға апарар шырақ та білім емес пе? Білім болмаса, дүниені надандық пен сауатсыздықтың көлеңкесі басып қалған болар еді. Білім-дұрыс жолға жетелеуші керемет құбылыс деп білемін. Сол үшін де әр адам білім алуға міндетті. Әлемде балалар білім алуға жағдай жасалмаған мемлекеттер толып жатыр. Ол адамдарға бұл жаһанда өмір-сүру өте қиынға түседі. Ондай адамдар не жаза алмайды, не оқи алмайды, не санай алмайды. Сол себептен, мемлекетіміз беріп отырған білім алу мүмкіндігін дұрыс пайдаланып, рахмет айтуды ұмытпау қажетпіз.
 Мен де қазір білім алып жатырмын. Білім-теңіз, ешқашан таусылмайды. Мен де болашақта білімді адам болып шығып, кейінгі ұрпаққа мол өнеге қалдырғым келеді. Сіздерді де соған шақырамын.