напишите текст на тему казахская национальная одежда
Ответы
Ответ:
Ұлттық киім туралы.
Әрбір халықтың өзіне тән салт – дәстүрлері, әдет – ғұрыптары, халық ауыз әдебиеті, мәдениеті, тәрбиелік ұстанымдары бар. Міне, осы асыл қазынамыз бізге ұрпақтан ұрпаққа сан ғасырлар бойы аманат ретінде ұласып, ұлттық болмысты жоғалтпай, өзгелерден ерекшелеп тұратын айна секілді. Қазақ халқының екі жүзге жуық салт – дәстүрі, сенім – ырымдары, ұлттық ойындары бар, олардың әрқайсысының тәрбиелік те, танымдық та маңызы зор. Осы ретте қазақ халқының ұлттық киімдері мен оны кию әдебінің ерекше маңызы бар.
Ұлттық киім - бай тарихи, мәдени мұра. Қазақ халқының киімі басқа ұлттардан өзгеше өзіндік қасиетке толы. Мұның басты себебі: қазақ халқының табиғат төсінде өсіп, еркін ғұмыр кешуімен байланысты.
Ұлттық киімдер тігуде климаттық жағдайлар мен этникалық, мәдени ұстанымдар ескеріледі. Халқымыздың ішкі, сырттық, сулық, бір киер, сәндік және кейбірінде салтанат-ғұрып киімдері бар.
Сыртқы киімдерге шапан, шекпен, ішік, ілік, күпі, кеудеше, тон, шидем, кебенек секілді киімдер жатады. Қазақ халқы сырт киімдер тігуде аңдардың терісін ерекше бағалайды. Мысалға, құланның, ақбөкеннің, жолбарыстың, жанаттың, бұлғынның, сусардың, ақ тышқанның терілерінен тон немесе ішік тігеді.
Қазақ халқының ұлттық киімдері басқа халықтарға ұқсамайтын ұлттық ою - өрнегімен, сымбатымен ерекшеленді.