Ответы
Ответ:
Әрқилы тағдырлар.
Тағдыр деген не? Алдымен осы сұраққа жауап іздеп көрейік. Тағдыр дегеніміз – Жаратқанның адамдарға алдын – ала белгілеп берген өмір жолы. Қарт аталарымыз бен әжелеріміз «жазмыштан озмыш жоқ деп жатады», яғни маңдайымызға не жазылса, сол болады дегендері ғой. Көп адамдар тағдырға сеніп жатады және ол алдын ала белгіленіп қойғандықтан оны өзгертуге болмайды деп біледі. Дегенмен, менің ойымша, «не жазылды, сол болады екен» деп, мақсатсыз өмір сүруге болмайды.
Әрине, әр адамның тағдыры, өмір жолы әр түрлі. Бірдей тағдыр болмайды деп ойлаймын, себебі адамдар әр түрлі жағдайларды да түрліше сезінеді. Біреудің маңдайына үлкен бақ жазылса, енді басқаларына үлкен ғалым болу жазылады. Бүгін ғана ғаламторда бір отандық жұлдызымыздың жазбасынан «Жаратқан бақ берсе, оны көтеріп жүретін үлкен жауапкершілік те береді» дегенді оқып, өзіме түйіп алдым. Бұл пікірмен толықтай келісемін, себебі тағдырымызға бармақтай та болса да бақ жазылса, оны жоғалтып алмай, орынсыз менмендік танытпай алып жүру – үлкен жауапкершілікті іс.
Тағдыр туралы тағы бір ойым, біреудің өмірі менікінен жақсырақ, жағдайы ауқатты, отбасы берекелі деп қызғанушылық танытпау керек, сырт көзге өзге адамның өмірі мен тағдыры керемет көрінгенімен, сол жағдайға жету үшін қандай ауыртпалықтарды еңіп, қандай істер атқарғаны тек сол адамның өзіне ғана аян. Сондықтан, керісінше мен де сондай жетістіктерге жетсем екен, мен де табысты болсам екен деп, алдымызға мақсат қойып, соған жетудің амалдарын ойластыруымыз қажет.