Ответы
Ответ:
Жан анашым (авторы Жанелья Торалы)
Жүрегімнің түкпірінде сақталған,
Жылы тиер, сан мың есім, аттардан.
Туа біте, жүрегімде бір сөз бар,
"Ана" деген әріптермен жатталған.
"Сезім" десе, анамды еске аламын,
Қамын ойлап, жүретін бар баланың.
Махаббатпен жүрегі толастаған,
Амандығын тілеймін мен анамның.
Тұла бойын босатып, құрсағында кеңейткен,
Әлпештеген аялап, мейірімді ең, сен неткен.
Дүниеге келген күннен шыр етіп,
Мәпелеген, өсірген, өмірімді өзгерткен.
Дана еді, ұлық еді ел неткен,
Жүрегімді махаббатпен тербеткен.
Ана затын биік қояр бәрінен,
Ойып тұрып, орын алған жүректен.
Түн ұйқысын төрт бөлген жан анашым,
Ыстық көрер бәрінен өз баласын.
Тәуекелге бел буар баласы үшін,
Қуанышың таусылмасын, тарқамасын.
Ең бастысы бәрінен ана үшін,
Көрсем, дейді перзентінің қуанышын.
Бола қалса, бір жағдай перзентімен,
Қайда болса барады, алып - ұшып.
Апама (авторы Гүлсана Тілеубекова)
Қиындық, бейнет көп көрдің,
Қаталдау тағдыр өткердің.
Сонда да оған сыр бермей,
Қатардың алды боп келдің.
Қайраттан,апа,қайраттан,
Көмейден әнді сайратқан.
Шекесін берсе шенеунік,
Жүйелі сөзбен жайратқан.
Шаттанғын, апа, шаттанғын,
Игі істер талай атқардың.
Жетпістен асқан жасыңа,
Келіп тұр менің мақтанғым.
Шаршама,апа,шаршама,
Жүз жасқа жетер бар шама.
Жасыңды берсін,құдайым,
Осы отырған баршаға.