Ответы
Ответ:
Сыйлық - халық кәдесі.
Қазақ халқы сыйлық, сыйлық сыйлауға үлкен мән берген. Кәде жасау - салт - дәстүрді құрметтеу, әдет - ғұрыпты сақтау болып есептеледі. Аталарымыз "сыйға - сый" деп айтқандай, әртүрлі жағдайда байланысты кәде - сыйлар берілетін болған. Мысалы, жастар үйленіп, бөлек отау болып бөлек шыққанда оларға берілетін кәдені "енші" деп атаған. "Енші" дегеніміз ата - анасының жинаған дүние - мүліктің бір бөлігі. Тағы бір кәде түрі "қыздың жасауы". Бұл дегеніміз қызбала бой жетіп, тұрмысқа шыққан соң артынан келетін дүние - мүлкі. Әрбір ата - ана жасауды шамасына қарай жинаған. Тағы бір керемет кәде түрі - киіт кигізу. Бұл - құдалар арасында жасалатын кәде түрі. Киіт ретінде бағалы киімдер кигізіп, әшекейлер сыйлайды. Бұдан басқа кәде түрлері әлі қаншама! Көбісі күні бүгінге дейін сақталып, әлі орындалып келеді. Аталарымыз "Ат өлсе де, кәде өлмейді" деген.
Ал сыйлықты қалай сыйлау керек екенін білеміз бе? Жалпы, сыйлық сыйлаудың да, сыйлық алудың да өз мәдениеті бар. Сыйлық сыйлау – жақсы қарым – қатынастың, сыйластықтың белгісі. Ендеше, сыйлық сыйлаудың да өзіндік тәртібі бар екен.
Алдымен сыйлықты анықтап алу керек. Бұл – сыйлық таңдаудың ең негізгі кезеңі десек те болады. Бұл орайда барлығын ескеру керек: сыйлық алушының талғамы, сыйлық ұсынылатын себеп және сыйлыққа жұмсалатын қаражат. Сыйлықтың алушыға ұнауы тікелей осы факторлерге байланысты. Ал егер сіз сыйлық алушының талғамын білмейтін болсаңыз, оның өз ойын сұрау әбестік емес.
Сыйлықты таңдап, сатып алғаннан кейін оны әдемілеп қаптап, безендіру артық болмас. Ол үшін сыйлықтың түріне қарай қорапша, жылтыр қаптама немесе сыйлық сөмкесін пайдалануға болады.Бұл да сыйлық алушыға ұнайтыны сөзсіз. Бұл сіздің сыйлық таңдаудағы ізденгендігіңізді, сыйлау үшін ұзақ дайындалғаныңызды, соынмен қатар сіздің көзқарасыңызды білдіреді. Сыйлықты ашықтан-ашық бере салу – сыйлық беру әдебіне жатпайды.
Енді ең маңызды кезең – дайындалған сыйлықты тапсыру. Сыйлықты ұсынарда бірнеше сөз айтып, тілек білдірген абзал. Бірақ, бұл сөздер сыйлықтың бағасы жайлы болмауы шарт, ол әдепсіздіктің белгісі саналады.