Ответы
Сауысқан құсы туралы мәлімет.
Сауысқан — қарға тұқымдасының бір түрі. Оның түр-түсі ала, құйрығы ұзындау болып келеді. Тұрқы 45—47 см, салмағы 250 грамдай. Евразияда, Африканың Солтүстік-Батыс бөлігінде, Солтүстік Америкада таралған. Орман-тоғайлар мен бұталы жерлерді мекендейді. Күз және қыс айларында қала,жақын маңдағы елді мекендерді төңіректейді де, жаз мезгілінде өздері ұя салатын жерлерінде болады. 5-тен 8-ге дейін жұмыртқа басып, балапан шығарады. Сауысқан — жем талғамайтын құс. Ол өсімдік дәнімен де, жеміс-жидек, ұсақ жәндіктермен де қоректене береді. Басқа бір пайдалы құстардың ұясын бұзып, аздап зиян тигізетініне қарамастан зиянды жәндіктер мен ұсақ кемірушілерді құртып, ауыл шаруашылығы мен орман шаруашылығына көбірек пайда келтіреді.