Ответы
Ответ:
Көшпенділер трилогиясы – Қазақ елінің тарихи шындығы.
«Ілияс Есенберлин – қазақ әдебиетінің ғана емес, қазақ халқы тарихының төрінен орын алатын дара тұлға... Қазақ тарихының кемеңгер көсемдерінің қайталаңбас бейнесін сомдауы жағынан өзге туындылардан оқ бойы алда тұрған талантты шығармасы - «Көшпенділер» тарихи трилогиясын дүниеге әкелді. Бүгінде дүниежүзінің көптеген халықтарының тіліне аудрылып, әлденеше рет басылған жазушының осы еңбегін хандық дәуірдегі қазақ өмірінің энциклопедиясы десек артық айтқандық бола қоймас» деп Елбасымыз айтқандай, Ілияс Есенберлин қазақ тілі мен әдебиеті, мәдениетіне зор үлесін қосқан дарабоз қаламгер.
Жазушының алты кітаптан тұратын тарихи эпопеясы бүгінгі таңда жан – жақты зерттелуде. «Көшпенділер» трилогиясы хронологиялық жүйеге құрылған, «Алмас қылыш», «Жанталас», «Қаһар» деген бөлімдерден тұрады.
«Көшпенділер» трилогиясында бес ғасырлық оқиға сипатталады. Трилогияның басты кейіпкерлері – есімдері ел есінде қалған, елі мен жері үшін жанын аямаған батырлар, яғни өмірде болған тұлғалар.
«Көшпенділер» трилогиясы қиын-қыстау кезде жарыққа шыққан шығарма. Бұл Ілияс Есенберлиннің асқан ерлігі ғана емес, нағыз саяси жеңісі деп білуге болады. Себебі ол заманда тарихи роман жазбақ түгілі, атақты батырлар мен хандардың, ақындар мен жыраулардың есімін атаудың өзі өте қауіпті еді.
Дарабоз қаламгер Ілияс Есенберлин осындай ауқымды шығарманы жазбас бұрын ғалымдардың еңбектерімен танысып, тарихи мағлұматтар мен деректерді молынан жинап, жан – жақты зерттеу жүргізген. Бүкіл бір халықтың өмір-тарихы ұмытылып бара жатқандығын еске сала отырып, оған кінәлі - коммунистік саясат екендігін ашып айтпаса да, өмір ағысы басқа арнамен ағып бара жатқандығын, тарих беттері бұрмаланғандығын көркем тілмен бейнелеп берді.
Бүгінгі таңда «Көшпенділер» трилологиясы әлемнің 30 тілінде жарық көріп, 50 рет қайта басылды. 2005 жылғы есеп бойынша, дүние жүзіне таралған жалпы тиражы 3 миллион дана.