Ответы
Ответ:
Төрт түліктің пайдасы.
Қазақ халқы төрт түлік малды асыраған.Төрт түлікке-түйе,жылқы,сиыр және қой-ешкі жатады.Түйе малы ертеде жүк тасымалы үшін пайдаланған.Түйе шөлге төзімді болғандықтан түйе бағушылар сортаң,шөлді жерлерге қоныс аудара берген.Әсіресе нар түйе шөл далада табылмас көлік болып есептелген.Нар жолында жүк қалмас,-деп бекер айтылмаған.Түйе сүті,шұбаты,қымыраны өте пайдалы.Түйе жүні қыста жылы болатындықтан қыстық киімдер тоқылған,көрпелер тігілген.Жылқы малы күтімді көп керек етпейтіндігімен бағуға ыңғайлы болған.Жазда даладағы шөптермен,қыста қар астындағы шөптерді тұяғымен аршып көректене береді.Жылқының сүті-шекер,еті-бал,-деп бекер айтпаған.Қымызы көп ауруға ем.Еті қыста тоңдырмайды.Мінсең көлік.Бетегелі,сілеусіні көп жерлерге жылқы бағып қоныстанған.Сиыр малын қазақ көп өсіре бермеген.Сиырды сулы-нулы жерде баққан. Сиыр күтімді көп керек ететін болғандықтан отырықшылық кезінде көптеп асыраған.Қыста қорада баққан,жазда таңертең далада жайылып,кешке қайтып келетін мал.Қазақ қой мен бірге ешкі асыраған.Қойы көптің тойы көп,- деп бекер айтпаған.Кішігірім тойлардың бәрінде қой сойылған.Еті жегенге жеңіл,жүні мен терісін пайдаланған.Терісінен тон тіккен,қылшығынан арқан ескен,жүнінен текемет басқан.Ешкінің жүнінен қыста киетін жылы киімдер,шархат тоқылған.Қазақ әр төрт түлік малдың пірі бар деген.Мысалы:Түйенікі-Ойсыл қара,жылқынікі-Қамбар ата,сиырдікі-Зеңгі баба,қойдікі-Шопан ата,ешкінікі-Сексек ата,- деп атаған.Қазақ ырымшыл болған,малды санатпаған.Төрт түлік малдың берер пайдасы көп.Оның тұқымын құртып алмай,өсіп-өнуіне жағдай жасау керек.