Ответы
Ответ: Temuriy shahzada Zahriddin Muhammad Bobur 1483-yil 14-fevralda Andijonda tug'ildi. Bubur Vatanimiz tarixidagi takrorlanmas siymolardan biridir. U nafaqat yitik adib, buyuk tarixchi, ulkan olim, balki mohir darkarda va davlat arbobi ham edi. Uning ijodi mana shu sohalar bilan chambarchas bog'liq holda yuzaga keladi.
Uning mustaqil siyosiy faoliyati juda erta - otasi Umarshayx mirzoning kutilmagan vafot etishi bilan boshlandi. O'shanda u boy-yo'g'i 12 yoshda edi.
Boburning yagona maqsadi yirik va mustahkam markazlashgan davlat tuzishdan iborat edi. Bu maqsad amalga oshdi. Biroq u o'zi tug'ilib o'sgan yurtida - Movaro nnahrda emas, balki undan ancha olisga - Hindistonda amalga oshdi. Adibning o'zi bu hodisadan doimo iztirobda bo'lganligi asarlarida juda yorqin tarzda aks etgan:
Tole yo'qi jonimg'a balolig' bo'ldi, Har ishniki ayladim, xatolig' bo'ldi.
O'z yerni qo'yub Hind sori yuzlandim,
Yo rab, netayin, ne yuz qarolig' bo'ldi.
Boburdan bizga uning devonlari, "Boburnoma"si, bir qator ilmiy, tarixiy, diniy-falsafiy va axloqiy-ta'limiy ruhdagi asarlaridan iborat meros qoldi. U Xoja Ubaydullohning "Risolayi volidiya"sini o'zbekchalashtirdi, musulmon axloqiga oid "Mubayyin" nomli masnaviyni yaratdi, "Xatti Boburiy"ni ixtiro qildi.
Bir necha muddat oldin podsholikni Humoyunga topshirgan Bobur 1530-yil 26-dekabrda, 47 yoshida o'zi asos solgan saltanat poytaxti Agrada vafot etdi va o'sha yerda dafn etildi. Keyinchalik, 1539 -yil, vasiyatiga muvofiq, xoki Kobulga keltirilib, o'zi bunyod ettirgan "Bog'i Bobur"ga qo'yildi
Bobur O'zbekiston mustaqillikka erishganidan so'ng o'z yurtida haqiqiy qadr-qimmat topdi. Andijon shahrida Bobur nomida universitet, teatr, kutubxona, milliy bog' ("Bog'i Bobur") bor
Объяснение: