Ответы
Ответ:
Отын-энергетикалық теңгерімді қалыптастыру және энергетика саласын сипаттайтын жекелеген статистикалық көрсеткіштерді есептеу бойынша әдістеме 1-тарау. Жалпы ережелер
1. Халықаралық стандарттар мен ұсынымдарға сәйкес отын-энергетикалық теңгерімін қалыптастыру және энергетика саласын сипаттайтын жекелеген статистикалық көрсеткіштерді есептеу бойынша әдістеме (бұдан әрі – Әдістеме) "Мемлекеттік статистика туралы" Қазақстан Республикасының 2010 жылғы 19 наурыздағы Заңына (бұдан әрі – Заң) сәйкес бекітілетін жалпымемлекеттік статистикалық байқауларға жатады.
2. Осы Әдістемені Қазақстан Республикасы Ұлттық экономика министрлігі Статистика комитеті (бұдан әрі – Комитет) және оның аумақтық органдары энергетика статистикасы саласындағы Еуростат, Халықаралық энергетикалық агенттігі және басқа да халықаралық ұйымдардың халықаралық стандарттары мен ұсынымдарына сәйкес отын-энергетикалық теңгерімді қалыптастыру және энергетика саласын сипаттайтын жекелеген статистикалық көрсеткіштерді есептеу кезінде қолданады.
3. Осы Әдістемеде келесі анықтамалар пайдаланылады:
1) бастапқы энергия – ілеспе жыныстан, тазалаудан немесе сұрыптаудан олардың бөлінуін есепке алумен және есепке алусыз өндіру мен тұтылуды талап ететін, осы көздерде бәрінен бұрын болатын энергияның қайта құрылуы мүмкін энергия көздері (энергия тасымалдаушылар);
2) жалпы ішкі өнімнің (бұдан әрі – ЖІӨ) энергия сыйымдылығы – ЖІӨ бірлігіне келетін отын-энергетикалық ресурстарын тұтыну деңгейін сипаттайтын жалпылама көрсеткіш;
3) жану жылулығы – отын бірлігі толық жану кезінде бөлінетін жылу мөлшері (Джоуль немесе килокалория);
4) қайталама энергия – бастапқы көздерді түрлендірудің нәтижесі болып табылатын энергия көздері;
5) отын - негiзгi құрамдас бөлiгi көміртегі болып табылатын, жылу энергиясын жағу кезінде, алу мақсатында қолданылатын зат;
6) отын-энергетикалық ресурстар – өндірістік, тұрмыстық және экспорттық қажеттіліктерді қамтамасыз ету үшін ел орналастыратын отын мен энергияның әр түрлі түрлерінің (мұнайды қайта өңдеу, газ, көмір, шымтезек және тақтатас өнеркәсібінің өнімі; атомдық және гидроэлектрстанциялардың электр энергиясы, сондай-ақ бірге отынның жергілікті түрлері) жиынтығы;
7) отын-энергетикалық теңгерімі – таңдап алынған уақыт аралығындағы тұтастай немесе жекелеген учаскелерінде (шығасылар мен қалдықтарды қоса) кірісі мен шығысы аралығындағы толықтай сандық сәйкестілігін көрсететін (сала, өңір, кәсіпорын, цех, үдеріс, орнату) көрсеткіштер жүйесі;
8) энергетика – энергетикалық ресурстарды, энергияның әр түрлерін өндіруді, түрлендіруді, беруді және пайдалануды қамтитын салалық кешен;
9) энергияны жалпы тұтыну – жалпы ішкі энергия тұтынуды сипаттайды және анықталған тұтынуға жатқызылады, өндіріс, импорт, экспорт, халықаралық бункер және отынның барлық түрлерінің қорларының өзгерісі бойынша деректерді есепке алу формуласы бойынша есептеледі;
10) энергияны түпкілікті тұтыну – түпкілікті пайдаланушылар телімдеріндегі энергияны немесе басқа сөзбен айтқанда, көлікпен, өнеркәсіппен және басқа да секторлармен энергия тұтынуды білдіреді және шын мәнінде тұтынылуға жатады.
Объяснение: