Ответы
Ответ:
Суши тағамын ұнататын адамдар аз емес. Суши түрлерінің көптігі соншалық, әркез әртүрлі салындымен таңғалдырып отырады. Кең тараған сушидің бір түрі - ыстық суши (Темпура маки). Бүгінгі материалымызда ыстық сушиді дайындаудың бір әдісін көрсетеміз.
Қажетті азық-түліктер:
- 1 қияр;
- қызыл балық;
- балқытылған ірімшік;
- нори жапырағы;
- 1 кесе күріш;
- 2 жұмыртқа;
- ұн.
Қиярды ұзын жіңішке етіп тураймыз.
Қызыл балықты да ұзынша етіп тураймыз.
Нори жапырағының тегіс жағын астына қаратып, бұдыр бетін бері қаратамыз.
Алдын ала күріш пісіріп, суытып қойыңыз. Күріш пісіруде алдыңғы материалда жарияланған кеңестерді қолдансаңыз болады. Саусақтарымызды сулап, күрішті нориге жайып шығамыз.
Күріштің бетіне ұзын етіп бір қатарға балқытылған ірімшік жағып шығамыз.
Ірімшіктің қасына турап қойған қиярды және балықты қойып шығамыз.
Нори жапырағын дөңгелектеп ораймыз. Нори жапырағы жабысу үшін ең шетін сулап жібереміз.
Ыдысқа жұмыртқаны салып, араластырамыз.
Жұмыртқаға аз ғана су құйып, ұн сала отырып араластыру қажет.
Іріткісі жоқ, қоймалжың қамыр болғанша араластырып отыру қажет. Ұнның мөлшері өзіңіз дайындайтын сушидің көлеміне байланысты. Мысалы, көбірек дайындайтын болсаңыз, тағы да су құйып, ұн саласыз.
Дайын сушидің екі шетін ұнға бұлғап аламыз.
Сушиді қамырға салып аламыз.
Қызып тұрған майға қуырамыз. Суши батып тұратындай май құюыңыз керек.
Ответ:
Тартылған ет пен күріштен жасалған сорпа (Суп с фрикадельками)
Ет (тартылған) – 400 грамм
Пияз – 250 грамм
Күріш – 100 грамм
Картоп – 400 грамм
Сәбіз – 2 бас
Лавр жапырағы – 1 жапырақ
Су – 2, 5 литр
Қара бұрыш (горошек) – 6 түйір
Тұз – 3 шай қасық
Жұмыртқа – 1 бас
Картопты, сәбізді, қабығынан ажыратып, тазалап жуып алыңыз. Картопты сорпаға турағандай төртбұрышты етіп тураңыз, сәбізді дөңгелектеп жұқалап тураңыз. Кастрөлге су құйып, картоп пен сәбізді салып отқа қойыңыз. Су қайнағанға дейін етті дайындаңыз. Қайнаған соң отты жай басып қойыңыз.
Етті еттартқыштан өткізіп алыңыз, пиязды майдалап тураңыз, күрішті жуып алыңыз. Ет, пияз, күріш, жұмыртқа, тұз, қара бұрыш барлығын араластырыңыз.
Сіз етті дайындап болғанша кастрөлдегі картоп езіліп кетпеуін қадағалаңыз.
Тартылған ет пен күріштен майда дөңгелектер жасап, қайнап тұрған картоп пен сәбіз үстіне салыңыз. Еттен дөңгелектер жасағанда қолыңызға жабыспас үшін қолыңызды сулап алыңыз. Сорпаның дәмі ерекше болуы үшін лавр жапырағы мен қара бұрыш түйірлерін салыңыз. Жай отта 15 - 20 минут пісіріңіз.