Ответы
Қызыл кітап - сирек, жойылуға алдында тұрған өсімдіктер мен жануарлар, құстар, балықтар т.б енгізілген маңызды жинақ. Бұл кітапқа енгізілген жануарлар, өсімдіктер арнайы қорықтарда қорғалады.
Қызыл кітапқа енгізілген бірнеше жануарлар мен өсімдіктердің аттарын жазып кетейік.
Алғашқы бастау ретінде қызғылт қоқиқазды жазғым келеді. Қызғылт қоқиқаз - өте сирек кездесетін құстардың бірі, ол Қазақстан бойынша Қорғалжың көлінде кездеседі.
Келесі, қар барысы - бұл сирек кездесетін, жойылу алдында тұрған жануар. Ол Қазақстаннның таулы жақтарында кездеседі. Олар ерекше қорғауға алынған. Әлем бойынша бұл жануардың 4000-ға жуық саны қалған. Жыл сайын бұл сан азайып бара жатыр, себебі заңсыз аң аулау тоқтамай тұр.
Қасқырдың тұқымдасы, қызыл қасқыр атты жануардың түрімен танысайық. Қызыл қасқыр таулы аймақты мекендейді. Негізгі азығы таутеке, арқар,үй малдары т.б. Табиғатта кездесетін қасқырдан айырмашылығы бұлар кішкентай, және түсімен ерекшеленеді. Құйрық жағы қара, үсті түлкінің терісі секілді қызылсары түсті. Жойылып бара жатқан себебі браконьерлік.
Сирек кездесетін өсімдіктер жайлы жаза кетсек. Інжугүл атауымен белгілі өсімдік. Табиғатта аз кездесетіндіктен, қолдан бау-бақшада, саябақтарда өсіріледі.
Ергежейлі қызғалдақ есімді өсімдік сирек кездесетіндіктен қызыл кітапқа енгізілген. Таулы аймақтарда өседі. Өсімдік мамыр айының аяғы мен маусым айының басында гүлдейді. Бірақ бұл сұлу өсімдіктің өз қалпын сақтауы тек 2 аптаға созылады.
Қызыл кітапқа енгізілген жануарлар мен өсімдіктерді қорғауымыз қажет. Қоршаған ортаға дер кезінде көмек қолын созып, әрқашан дұрыс бағытта болсақ бұл кітаптың толығуына мүмкіндік бермейтін едік, яғни жойылу алдында тұрған деп аталатын тармақтың көбеюіне үлесімізді қоспауға тырысайық. Оның орнына бұл кітаптан керекті, маңызды мәліметтерді қарап, болашаққа бағдар алайық. Бұл кітап өсіп келе жатқан жас буынға тәрбиелік мән береді.