Пожалуйста, напишите эссе, на тему "Қазіргі уақыт тапшы заманда адамдар дұрыс тамақтанып жүр ме?" 80-90 слов. Даю все что есть, но напишите эссе.
Ответы
Ответ:
Қазіргі уақыт тапшы заманда адамдар дұрыс тамақтанып жүр ме?
Уақыт - адам өміріндегі басты құндылықтардың бірі екені белгілі. Ал қазіргі заманда уақыт тапша болғандықтан, адамдар өміріне көптеген өзгерістер енді, солардың бірі тамақтануға да байланысты. Мысалы, күнделікті таң атқаннан кеш батқанға дейін жұмыс жасайтын адамдар дұрыс тамақтанбауы мүмкін, оның себебі уақыттың тапшылығында. Дұрыс тамақтанбаудың салдарынан денсаулығымызға зиян келетіні белгілі. Сондықтан, менің ойымша, ең алдымен салауатты өмір салтын ұстанып, көкөніс пен жеміс –жидектерді тағамға көп пайдаланып, сонымен қатар сүт тағамдарын жиі ішіп тұру қажет. Өз денсаулығымызға уақыт аздығынан немқұрайлы қарамауымыз қажет.
Бұл ретте тағы айта кететін мәселе - уақыт пен заман ағымына қарай, бүгінгі күні қоғамымызда «фастфуд», яғни жылдам даярланатын тағамдар аса үлкен танымалдыққа ие болып отыр. Менің ойымша, оның бірден - бір себебі: бүгінгі күні адамдар материалдық құндылықтарды жоғары бағалағаннан кейін және «уақыт - ақша» деген түсінік қоғамда етек жайғаннан бері, сол уақытты үнемдеу мақсатында фастфуд өте үлкен танымалдыққа ие болып отыр деп есептеймін.
Ғалымдардың ойынша, мұндай жылдам даярланатын тағам адам ағзасына кері әсерін тигізіп, тіпті кейбір аурулардың себепшісі де болып жатады. Ең басты зияны – ол асқазанға тигізетін кері әсері. Сонымен қатар, бұл тағамдар әуестік туғызады. Ал үнемі біркелкі тамақтану – ол да зиян.
Өз денсаулығымыз өз қолымызда екенін ескере отырып, дұрыс тамақтануды әдетке айналдырайық.