Ответы
Ответ: «Ұлы жеңіске- мың тағзым! »
«Бұл күн –сол қанды қырғыннан қайтпай қалған қыршын боздақтардың асқақ рухтарының аспандайтын күні.Бұл күн –әділеттің әділетсіздікті жеңген күні. Бұл күн –бүгінгі ұрпақтың соғыс ардагерлері сыйлаған бейбіт даму жолын одан әрі жалғастырып жатқан күн».
Н.Ә.Назарбаев.
Тарих тізбегіндегі адамзат басынан өткізген соғыстың ең сұрапылының біткеніне де,міне 70 жыл өтті.Бұл халықтар бірлігінің жеңісі,бұл қайталанбас ерлік пен батырлықтың жеңісі ,бұл тылда қалған аналар мен балалардың жеңісі болды.Бұл соғыста әлем халқы сұрапыл соғыс деп мойындады.Себебі,ол адам баласының қол жеткізген техникалық,білімдік,ғылымдық табыстарының ең соңғы жетістіктерінің соғысы болды.Бұл соғыста басынан аяғына дейін өткізген,Жеңіс үшін күндіз-түні еңбек еткен ардагерлері туралы нақты мәліметтер,естеліктер жинау.
Батыс Қазақстан облысындағы 22 мың шаршы шақырым жерді алып құмды жазық даламен ұштасып жатқан,құт береке дарыған,қара шаңырақ,саба исі аңқыған мекенге жайлы өңір аудан болып қалыптасқанға дейін Бөкей губерниясына қарасты жеті территориялық бөліктерінің бірі он алты болыстан тұратын Қарасамар қыйсымы уез әуелде,кейін Жаңақала ауданы болып қалыптасты.
Ұлы Отан соғысы қарсаңында ауданның халқы 25 мың шамасында болды. Ұлы Отан соғысы басталған кезде қорғау үшін аудан бойынша әскерге адамды шақыру 1942 жылдың қаңтарында басталды.Әскерге шақырылғандардың алғашқы легі сол жылдың қаңтар,ақпан,наурыз айларында жөнелтілді.
Ұлы Отан соғысы жылдарында ауданнан майданға 4599 адам аттанды. Майданға аттанғандардың басым көпшілігі фашист басқыншыларымен Сталинград,Воронеж,Калинин майдандарында Псков,Новгород облыстарында,Ленинград түбінде шайқасты.Майданға аттанып ұрыстың алғашқы шебінде ерлікпен шайқасқан боздақтардың 2266-сы майданнан оралмады.Олардың 1168 –і ұрыс даласында қаза тапты.Ал 1098 боздақ соғыстың алғашқы шебінде хабар-ошарсыз кетті.
Объяснение: