Question

26. Мәтінді оқы.
Балалар елін бағындыру
Ерте, ерте, ертеде «Балалар елі» деген бір ел болып-
ты. Алдарына қойған ешқандай мақсаты жоқ, жұпыны
өмір сүріп жатқан көңілсіз ел екен. Сондай күндердің бір
күнінде Балалар елін бір патшалық бағындырып алады. Ол
патшалықтың аты «Ойын» екен.
Ойын келісімен-ақ Балалар елі бірден көңілденіп сала
беріпті. Айнала айқай-шу, дыр-думан. Ертеден қара кеш-
ке дейін бар баланың білетіні тек қана ойын.
Уақыт өте келе Балалар елі бірыңғай ойынға салынып,
өмірдің басқа жағынан хабарсыз қалуға айналады. Есіл
дертін ойын билеген баланы көріп пе едіңіз? Мұндай бала
тіпті тамақ ішу керектігін де ұмытады екен.
Ата-аналар әрлі-берлі ақылдасып, көмекке Еңбек, Оқу,
Өнер, Кітап, Спортты шақырыпты. Сол-ақ екен, Балалар
елінің тіршілігі жанданып қоя беріпті.
Нұрдәулет Ақыш
• Балаларға көмекке келген бесеудің қайсысы бірінші болуы керек?
• Мәтіндегі негізгі ойды тұжырымда.
•Спорт пен өнердің маңызын айтып бер.
•Мәтіндегі шылауларды тап. Бұл шылаулардың қандай өзгешелігі бар?​

Answer 1

• Балаларға көмекке келген бесеудің қайсысы бірінші болуы керек? Балаларға, ең әуелі, Оқу көмектесуі керек. Оқу арқылы балалар Ойынның құр босқа уақыт өткізу екенін түсінеді. Ойыннан да басқа қызықты нәрселер барын, жаңалықтар барын біледі, есейеді.

• Мәтіндегі негізгі ойды тұжырымда. Автор мәтін арқылы балалардың құр босқа ойнай бермеу керегін, өнер мен ғылымға, спортқа ден қою керегін айтқысы келген.

•Спорт пен өнердің маңызын айтып бер. Спорт – денсаулық қалқаны. Спортпен айналысқан адам сергек жүреді. Әр қимылы ширақ болады. Көңіл-күйі де көтеріңкі, өзін жеңіл сезінеді. Ал өнер арқылы адам рухани бай болады. Өнер жан рақаты үшін керек. Өнер арқылы адам ішіндегісін шығарады.

•Мәтіндегі шылауларды тап. Бұл шылаулардың қандай өзгешелігі бар?​ келісімен-ақ, тек қана, көріп пе едіңіз, керектігін де, сол-ақ.

"-ақ, де" шылаулары күшейткіш демеулік шылаулар
"қана" шылауы шектік демеулік шылау
"пе" шылауы сұраулық демеулік шылау.

"-ақ" шылауынан басқасы сөзден бөлек жазылады, бұлардың барлығы сөз бен сөзді байланыстырып, сөзге мағына демеп тұрад