Ответы
Ответ:
Tug‘ilib o‘sgan zamin saxovatini yurt bog‘larini kezganda his etasan. Har bir nihol, shivirlayotgan yaproqlar go‘yo senga Vatan jamolini ko‘z-ko‘z etayotgandek. Gullagan daraxtlarga qarab, umring bahorini qarshilaysan. Tabiatning qudratini ana shu daraxtlarda ko‘rasan.
Hech kuzatganmisiz, majnuntol novdalari doim egik, ma’yus. Sanoqsiz kokillarini sho‘x shamollar o‘ynaydi. U iymanibgina boshini silkiydi. Tabiatning ana shu mo‘jizasini ko‘rib, qalbing orom oladi.
Men o‘z ona qishlog‘im Beshkapani juda sevaman. Uning musaffo havosi tanga davo. Uzoq yo‘l bosib kelgan mehmonlar bu yerda biroz tin olsa, zumda charchoqlari yoziladi. Ajoyib ta’mga ega suvi esa salomatlik uchun koni foyda.
Ona tabiat bizga o‘z ne’matlarini in’om etibgina qolmay, ularni ko‘z qorachig‘idek asrab-avaylashimizni ham istaydi. Shunday ekan, keling, tengdoshlar, borliq musaffoligini asrashdek savobli ishga o‘z hissamizni qo‘shaylik!
Bugungi kunda yurtimizdagi qushlarning 15 ga yaqin turi bizning qishlog‘imizda, uning bog‘-u rog‘larida, keng adir-u dalalarida uchib yuradi.
Объяснение: