Ответы
«Қонақасы – тәңір асы», «қонақ несібесін тәңір жеткізер», «қонақасы – қазақтың бөлінбеген еншісі» дейтін аталы сөздер қазақ халқының ерекше қонақшыл, ерекше меймандос, асқан адамгершілікті халық екендігін айғақтайды, әрі әрбір отбасы ұрпақтарын қонақшыл, меймандос, ізгі ниетті, мейірімді, қайырымды болуға баулып отырады.
Арнайы қонақ
«Арнайы қонақ» деп - арнаулы шақырған, ұсыныс етілген және құдалық пен түрлі жиын-тойларға жататын үй, соятын мал, ұсынатын жол-жораларға дейін алдын ала әзірлеп, ауыл бойынша тік тұрып ерекше күтеді.
Құдайы қонақ
Қазақ халқы «құдайы қонақ» деп - ойда-түсте жоқ, дәм-тұз айдап келіп қонып, құдайдың бұйырған несібесін жеп аттанған қонақтарды айтады.
Қыдырма қонақ
«Қыдырма қонақ» деп - туыс-туған , дос-жаран, құда-жекжаттарын арнаулы іздеп барып, аунап-қунап жататын қонақтарды айтады.
Қылғыма қонақ
«Қылғыма қонақ» деп — қайсы ауыл, қайсы үйге қонақ түсіп, мал сойып, ет асып тамақ пісіргенін аңдып жүріп дәл үстінен түсіп тамақ асырайтын қонақтарды атайды.