Ответы
Ответ:
өнерлі орге жүзер
Ы.Алтынсарин атындағы Рудный әлеуметтік -гуманитарлық колледжінің студенті Жабағина Сая Ерханқызы он саусағынан өнер тамған тігінші. Ол кәсіптік оқыту «тігін өндірісінің технологі» мамандығының 3-курсында оқиды. Бос уақытында қалам тербейтін, поэзияға жаны құмар Сая бала кезден дизайнер болуды арман еткен. Ол өз мақсатына жетуде талмай еңбектенуде. Сол үшінде мамандықты таңдауда қателеспегеніне дән риза.
Іс тігу Саяға аяулы анасынан дарыған екен. Анасының «сен қыз баласың, саған тігін өнері келешекте өмірде керек болады. Ниетің түзу болса оқуды да өнерді де қатар алып жүруге болады» – деп үйреткені Саяның мамандығына тікелей қатысы болып шықты. Ол көбіне дайындаған бұйымдарын ұлттық нақышпен өрнектегенді ұнатады. Сонымен қатар, Сая үнемі ізденісте жүреді екен. Ғаламтор арқылы танымал дизайнерлердің жасаған бұйымдарының жасалу технологияларымен танысып, өздігінше әдемілеп тігіп шығаруға тырысады.
«Бала кезімнен тігін машиналарына қатты қызығатын едім. Өскенде міндетті түрде өз-өзіме дизайнер боласың деп айтатынмын және болашақта шағын да болса ательемді ашып, әр түрлі сәндегі киімдер тігіп, тіпті қолдан шыққан өнімдерді сататын дүкен ашып, халыққа қол жетімді бағаға сатуды жоспарлаудамын. Мамандығымды толықтай меңгердім десем де болады. Оқу орнының шебер оқытушыларының көмегімен көп нәрсеге үйрендім» – дейді жас талант иесі.
Бүгінде өз маңдай терімен еңбек еткен адам ғана асуларды бағындыра алады. Еңбекшіл адамдарға Үкіметтің жасап жатқан көмектері де көп. Бойына дарыған таланттың арқасында, жеке кәсібін ашып, өз шаруасын дөңгелентіп отырғандар арасында жастарда жетерлік. Саяның да өз арман мақсаттарына еш қиналмай-ақ жететініне сенімдімін.