Ответы
Эссе
Әкеме хат
Әкеме хат! Амансыз ба, әкетайым! Өзгелерден өзгешем, маңдайға біткен мәңгілігім, асқарым менің! Қолыма қалам алып, хат жазуыма себеп болған оқудағы тапсырма . Сіздің менің алдымда жасаған қарызы қайтарылмас игіліктеріне шүкіршілік етіп, одан сайын жүрекпен жақсы көріп кетем! Және маған сіз секілді ақылды әкені берген жасампаз Жаратқанға да алақанымды айқара жайып алғысымды айтамын. Біздің отбасымда сіз мен үшін әркез алғашқы орындасыз, әке! Әке, сіз білесіз бе, мен қазір өткен күндерге жиі көз жүгіртемін. Балалық шағымның әр бөлігі мен үшін ерекше естелікке толы.
Мүмкін менің қолымнан өзгелер сияқты үстіңізге үй, астыңызға көлік мінгізіп, көркем жолдармен жүргізу, ең дәмді тамақтармен қамтамасыз ету келе қоймас, бірақ мен бар күш-жігірімді салып сіз бен анашыма Меккенің ауасын жұтып, бес парыздың бірі Қажылықтарыңызда өтеулеріңіз үшін күндіз-түні тер төгем! Әке, арамызда ақылшы болып қарайып отырған өзіңізді қаншалықты бақытты ете алдық?! Сіз бөлеген мейірім-шуағының титтей бөлігін біз өзіңізге жасай алдық па? Осы мені ойландырады. Әке, менің сағынышқа толы хатым өткен күннің белгісіне айналары хақ.
Сіз мен үшін бейбіт күннің батырысыз, әке! Сіздің аса еңбекқорлығыңызды көріп өскендіктен мен өзім еңбектенуді үйрендім.Өз бетіммен өз қажеттілігімді толтыруды үйрендім. Жұмыс дегеннің қиындығын бұйым көрмейтін болдым! Сізді шексіз сүйем! Сізді қатты сағындым! Мойныңызға асылып, еркеледім! Хатымды оқи сала, Хатыма жауап жазыңыз! Аманшылықта жолыққанша!
Қызыныз/Ұлыңыз :___________