Ответы
Ответ:
Асқақ Астананың тұрғындары мен Елорда қонақтары үшін биылғы қала күні мерекесі өзінің айшықты сәттерімен қызықты өтті. Сырттан келген қонақтар Елорданың әсем жерлерін тамашалап, көрікті мекендеріне көз қарықтырса, саябақтар мен орталық алаңдарда құлақ құрышын қандырған күмбірлеген күй мен әуезді әннің әуені көпшілікті өзінің сиқырлы әлеміне баурады. Елбасы арманынан ақиқатқа айналып, Сарыарқа төcінде бой көтерген Астананың туылған күні барынша сән-салтанатымен жылдағы үрдіс бойынша «Атамекен» мемориалды кешенінің алдында Елбасы Н.Назарбаевтың мемлекеттік туды салтанатты түрде көтеру рәсімімен басталды. Бұл күні «Атамекен» мемориалды кешенінің алды әдеттегіден өзгеше құлпырып, Елорданың мүшел тойының басталғанына күн көзі де қуана келіскендей барынша нұрын шашып тұрды. Ал Президенттің қолынан офицер шенін алуға келген сарбаздардың ішкі тебіренісін сөзбен айтып жеткізу әсте мүмкін емес.