Ответы
Жауабы: тауарларды таңбалау мемлекет үшін - тауарлардың заңсыз айналымын қысқартып, бюджетке салық түсімдерінің түсуін ұлғайтады және мемлекеттік бақылау сапасын арттырады; халық үшін - қоғамдық бақылаудың тиімділігін арттырып, тұтынушылардың құқықтарын қорғау, азаматтардың өмірі мен денсаулығын қорғауға көмектеседі; бизнес үшін - адал салық төлеушілер қатарын көбейтіп, бизнестегі адал бәсекені нығайтады.
Түсіндірме:
Тауарларды таңбалау көлеңкелі бизнесті жарыққа шығаруға көмектеседі. Таңбалаумен қатар тауарлардың қадағалануын енгізу мемлекеттің экономикасына оң әсерін тигізеді. Мәселен, бұл шаралар адал бәсекелестікті ынталандырады және заңды нарық үлесі мен өндіріс көлемін ондаған пайызға ұлғайтады. Бұл өз кезегінде өзіндік құнды төмендетіп, бағаны тауарлардың ағымдағы құнынан 5-10%-ға төмендетуге мүмкіндік береді. Сонымен қатар жаңа жұмыс орындары құрылып, мыңдаған адамның жұмыспен қамтылуына сеп болады. Ал тауарлардың заңсыз айналымына қарсы іс-қимылдың кешенді жүйесінің тиімділігін едәуір арттырады.
Сондай-ақ, тауарларды таңбалау және қадағалау халық денсаулығына теріс әсерін тигізетін тауарлар айналымына жол бермеуді, бизнес үшін жағдайды теңестіруді, тауарлардың сапасы мен экономикалық қауіпсіздігін қамтамасыз етеді, әрі бюджетке салық түсімдерін арттырады. Жүйелі бизнесті дамыту үшін нақты мақсаттарды көздейтін мемлекеттік бағдарлама құруды қамтамасыз етеді. Сол арқылы мемлекет қосымша табыс табады.