Ответы
Ответ:
«Желтоқсан оқиғасы Кеңес одағының ыдырауына үлкен ықпал етті. Кейін Прибалтика елдерінде және басқа да республикалардағы халық толқулары Алматыда 1986 жылы 17 желтоқсан күні қазақ жастарының ресми үкіметтің жүргізген саясатына қарсы наразылығынан бастау алды. Желтоқсан оқиғасы тәуелсіздігіміздің алғашқы жаршысы болды деп санаймын. Осы оқиғадан кейін қаншама қазақ жастары, көзі ашық, білімді жастар оқудан қуылды, жұмыссыз қалды. Денсаулығынан айырылды. Олардың ішінде қазақ қыздары да болды. Өйткені, оқиғадан кейін милиция қызметкерлері оларды қала сыртына шығарып, азаптады. Желтоқсан оқиғасы халық жадында мәңгілік сақталуы тиіс» - деді Б. Қақабаев.
Айта кетелік, ресми деректер бойынша Желтоқсан көтерілісіне 30 мыңнан аса қазақ жастары қатысқан. Құқық қорғау органдары барлығы 8515 адамды ұстаған. Алматының түрме мен абақтыларында орын қалмаған соң, бес мыңнан астам жасты қала сыртына апарып тастаған. 2400 адам қамауға алынып, 1722 адам әр түрлі дене жарақаттарын алды. 99 адам қылмыстық жауапкершілікке тартылды. Олардың ішінде 20 жастағы Қайрат Рысқұлбеков та бар еді.