Ответы
ЛУЧШИЙ ОТВЕТ ДЕП СТЕШЫЫЫ
Тұлғаның адамдық бейнесі, ұнамды мінез-құлқын қалыптастыру, өмірге бейімдеу мақсатында жүргізілетін жүйелі процесс – тәрбие болып табылады. Бұл мақалада Ұлы Абай Құнанбайұлының философиялық шығырмаларын қолдана отырып, оқушы бойына адамға тән қасиеттерді, рухани құндылықтарды қалай сіңіру, сапалы өмір сүру үшін концептісінің алатын орны мен мәні талданып жазылды. «Абайдың рухани құндылықтары – тәрбие басы» ұғымының өз тәжірибемде қандай мәнге ие болғаны және қазіргі таңда қандай мәнде қолданылып, оқушылардың санасындағы алатын орны мен мағынасы атқарылған жұмыстар арқылы анықталды.
Абай атамыз қазақ халқымыздың кешегісі мен бүгіні болып табылады. Абай халқымыздың әр заманда жоғын жоқтап, мұңын тыңдап, жағдайын өз шағармаларында көрсетті. Оның әрбір өлеңінде, қара сөзінде халықтың салт-дәстүрлері мен рухани мәдениетін, оқу-білімін, жастарға адамгершілік тәрбие беру жолдарын, болашағын, олардың мінез-құлқын тәрбиелеуін тынымсыз ойлаумен, толғанумен болады. Бүгінгі уақыттың түсініктерімен зерделеп айтқанда, ақынның ой барысы қазақ қандай халық, оның арасындағы дау, талас-тартыстарды, тағы басқа осындай кемшіліктерді қалай жоюға болады, ол үшін не істеу керек деген сұрақтар мазалағаның байқауға болады. Әсіресе, «Қара сөздеріндегі» ой желісі осы мәселелер маңында түйінделеді. Адамгершілік, толық адам туралы ойлар әрбір қара сөздерінде жан-жақты сарапталады. Әрбір ұлттың ұлылығы өздеріне тән жағымсыз жақтарын жасырмай, аяусыз сынап, көрсете алатындығында деген пікір бар. Абай қазақ халқын басқа халықтардан, ұлыстардан кем деп санаған емес, керісінше халқының озық ойлы, озық мәдениетті елдер санатына қосылып, олардан да асып түссе екен деп армандады. Осы арман үшін өмірін сарп етті. Өз халқының аяулы ұлы ретінде өз заманында орын алған қаракетсіздікке, жалқаулыққа қарсы аянбай күресті.