Ответы
Ответ:
Наданмен дос болғанша, кітаппен дос бол» деп Бауст айтса, «Кітап – асып-таспайтын асыл досымыз» деп Гюго айтқан. Толстойдың өзі: «Жақсы кітап – ақылды адаммен әңгімелескенмен бірдей» деп жазып кеткен. Ендеше кітаптан асқан даналық бар ма? Ал олардың отаны – кітапхана.
Кітапхана – адамның демалатын жері. Бұл сөздің бірнеше мәні бар: кітап оқып демалу бар, тыныштықта отырып демалу бар. Себебі кітапханада әлемдегі ең саналы және ең ақылды адамдар бас қосады. Ал әлемде сәулеті ерекше салынған кітапханалар барын білесіз бе?
Мысалы,Канзас-Сити, АҚШ
2004 жылы Казнас-Ситидегі Қоғамдық кітапхана қаңырап жатқан Бірінші ұлттық банктің ғимаратына ауыстырылды. Екі жыл өткеннен кейін дәл сол ғимараттың қасына көлік тұрағы салынды. Ал бұл сол ғимараттың архитектуралық сәніне қарама-қайшылық тудырды. Мұны ескергендер сол жерден үлкен қылып, кітап үлгісіндегі қамал тұрғызды. Ол жерден көлік тұрағы көрінбейтін болды.
Тұрғызылған кітап қамалдағы әр кітаптың биіктігі – 8 м, ені – 2 м. Кітаптар тізбегінде әлемге әйгілі классиктердің аттары жазылған. Ал кітапхананың ішкі құрылысы бұрынғы банктің үлгісінде қалды.
Сандро Пенн атындағы кітапхана, Италия:
«Бізге өзге ғаламшарлықтар келіпті!» дейтін сөзді сіз Италияның Перудже қаласына барсаңыз айта аласыз. Себебі мұндағы алып кітапхананың ерекшелігі өзге ғаламшарлықтардың көлігіне сәйкестендіріліп жасалған.