Question

2. «Тәуелсіздік ұрпақтары – тәуелсіздік жайында» тақырыбында эссе жазайық.​

Answer 1

Тәуелсіздік туының желбірегеніне де, міне, 30 жыл толғалы отыр. «Тәуелсіздік» деген сөздің мағынасы қандай терең, қандай киелі сөз десеңізші! Ата-бабаларымыз сан ғасырлар бойы осы тәуелсіз ел болуды армандады. Бүгінде, мен – көгінде көк байрағы желбіреген тәуелсіз елдің ұрпағымын. Ұлан-байтақ жері бар «қазақ» деген тәуелсіз ұлы халықтың ұрпағы болу не деген керемет?! Осы тәуелсіздікке біз қалай жеттік?!



Ата — бабаларымыздың ғасырлар бойы арманы еткен азаттық жолында талай боздақтар құрбан болды. Кең даламызды ата – бабамыз ғасырлар бойы ақ білектің күшімен, ақ найзаның ұшымен қорғап келді. Осы қазақ даласында үш ғасырдай бостандық пен тәуелсіздік жолында қазақ халқы небір қиын-қыстау жылдарды басынан өткерді. Атап айтсақ, 1931-32 жылдардағы қолдан жасаған ашаршылық, зиялы алаш азаматтары репрессияға ұшырауы, 1986 жылғы желтоқсан оқиғасы – тәуелсіздік жолдағы күрес еді. Ата-бабаларымыздың қасық қаны қалғанша елін, жерін біз үшін, кейінгі ұрпақтары үшін кеудесімен оқ тіреп, соңғы демдері үзілгенше қазақ жерін сақтап қалды. Сол себепті тәуелсіз үшін күрес қанша қасиетті болса, сол күрес тарихы да, оның қаһармандарының есімдері де сондай қасиетті. Бабаларымыз армандаған тәуелсіздік күні кешеге дейін жалғасып, отыз жыл бұрын бақыт құсындай қолымызға қонды. Тәуелсіздігіміз жариялағаннан бері көптеген елеулі табыстарға қол жеткіздік. Осы уақыт ішінде Қазақстан күллі әлемге танылды.

Қорыта келе, қазіргі бейбіт мемлекетте уайым-қайғысыз өмір сүріп жатқанымыз да - осы тәуелсіздік арқасы. Мен сияқты өсіп келе жатқан өскелең ұрпақ үшін тәуелсіздіктің маңызы өте зор. Осындай тәуелсіз, кең байтақ қазақ жерінде өмір сүріп жатқанымды мақтан тұтамын. Болашағыма нық сеніммен қараймын. Елімнің тарихын білуге, туған еліме, жеріме деген сүйіспеншілігімді арттырға міндеттімін. Мен қазіргі кезде әлемде болып жатқан жаңалықтарды көре, тыңдай отырып, өз еліміздегі тыныштықты дәріптеуіміз керек екендігін түсіндім.