Ответы
Ответ:
Podpolkovnik Gulnora Umarova Toshkent shahar Yakkasaroy tumani IIOFMB 1-sonli Ichki ishlar boʻlimi boshligʻining tashkiliy masalalar boʻyicha oʻrinbosari lavozimida faoliyat yuritib kelmoqda.
Bu darajaga yetgunicha qariyb u 20 yil xizmat qilib, sohada suyagi qotib, tajribasi ortib, natijada rahbar boʻlib shakllandi.
Uning shu kungacha boʻlgan faoliyatiga bir qur nazar tashlaydigan boʻlsak, IIV Akademiyasini tamomlab, Sergeli tumani IIB XCHK va FRB pasport boʻlinmasida oddiy inspektor lavozimida xizmatni boshladi. Dastlab unga mayor Odil Fayziyev ustozlik qildi. Keyinchalik shaxsini tasdiqlovchi hujjatni rasmiylashtirish, almashtirish va fuqarolarga oʻz muddatida topshirish borasida mayor Qodir Hoshimovdan bilmaganlarini oʻrgandi.
Oʻziga yarasha tajriba toʻplagan Gulnora keyingi xizmat faoliyatini Yakkasaroy tumani IIB JQ va UJQKB boʻlinma tezkor vakili lavozimida davom ettirdi. 2020-yilda tuman IIOFMB 1-sonli IIB boshligʻi oʻrinbosari lavozimida samarali xizmat qilib kelmoqda.
Hozirda uning ishi juda tigʻiz. Biroq kasbini sevgani bois qiyinchiliklari bilinmaydi. Ertalabki umumiy yoʻriqnomada qatnashganidan soʻng IIBga kelib tushgan hujjatlarni koʻzdan kechirib, ularni ijrochilarga beradi.
Murojaat bilan kelgan fuqarolarni qabul qilib, ularning muammolarini oʻrganadi va huquqiy tushuntirishlar beradi. Jinoyat qidiruv xodimlari bilan esa ochilmagan jinoyatlar boʻyicha gaplashib, uning sabablari muhokama qilinadi.
Shuningdek, navbatchilik qismi “102” tizimiga kelib tushayotgan har bir xabar va hodisadan oʻz vaqtida voqif boʻlib turadi.
– 1-sonli IIB hududiga “Muhandislar”, “Qushbegi”, “Boshliq”, «Dilbuloq» va “Armugʻon” mahallalari kiradi, – deydi podpolkovnik G. Umarova. – Joriy yilning oʻtgan 9 oyi mobaynida hududda umumiy jinoyatlar 259 tadan 216 taga, jinoyat qidiruv yoʻnalishi boʻyicha sodir etilgan jinoyatlar 210 tadan 160 taga kamaygan. Xususan, jinoyat qidiruv sohasida qayd etilgan jinoyatlarning turlari boʻyicha tahlil qilganimizda, talonchilik 6 taga, oʻgʻirlik 12 taga, firibgarlik 14 taga, bezorilik 2 taga, yengil tan jarohati yetkazish 2 taga kamayishiga erishildi.
Toʻgʻri, ayrim jinoyat turlarining sodir etilishi biroz oshgan, shuning uchun xodimlar hamda rahbariyat bilan hamkorlikda kelgusida buning oldini olish va sabablarini aniqlash yuzasidan tegishli chora-tadbirlar amalga oshirilmoqda.
Podpolkovnik Gulnora Umarovaning maqsadi hududda jinoyatchilikni keskin kamaytirish. Bu borada, avvalo, oʻziga, qolaversa, qoʻl ostidagi xodimlarga ham xizmatga masʼuliyat bilan yondashish talabini qoʻyadi.