Ответы
Ответ:
Қандай да бір құрылғы ойлап тауып немесе математика-физикалық жаңа формуланы парақ бетіне түсіру тек ересектерге ғана тән емес құбылыс. Ержетіп ақылы толыспаса да, білімі мен өзінің табиғи дарынына сүйеніп әлем технологиясында төңкеріс жасайтындар бар. Олардың дені — балалар мен жасөспірімдер. Өнертапқыштығы тек адалдық пен кіршіктіз тазалықтан тұратын жас ғалымдар туралы білгілеріңіз келе ме? Ендеше, дерек ұсынамыз! Мүмкін сіздердің де саналарыңызда жаңа сілкіністер жарқ етер, жас достар!
Жас өнертапқыштардың өмірімізді ыңғайлы етуге қосқан үлесі аз емес. Тіпті 17 қаңтар күні бүкіл әлем бойынша Өнертапқыш-балалар күні де атап өтілуде. Бұл дата Американың мемлекет қайраткері, дипломат, ғалым, өнертапқыш және журналист Бенджамин Франклиннің туған күнінен алынды. Бен Фраклин 12 жасында алғашқы болып — шомылу барысында екі қолға киілетін ескекті ойлап тапты.
Кейіннен Б.Франклин көптеген сынақтар жасап, ғылыми зерттеулерін жалғастырды және әлемдік ғылымға сүбелі үлес қосты. Ғалымның кейбір тұжырымдары дәуірден бірнеше жыл алға озық болды. Оның көптеген өнер табыстарының арасында тербелмелі-кресло, бифокалды көзілдірік және басқалары бар.