Ответы
Дәстүрлі медиа – Интернеттен бұрын пайда болған, жылдар бойы қолданылып келе жатқан бұқаралық ақпараттар құралдары. Оларға: теледидар, радио, газет-журналдар және т.б. жатады.
Жаңа медиа – ақпаратты заманауи технологиялармен жаңаша түрде тарату болып табылады. Оған Web 2.0 технологияларына негізделген ақпарат құралдарын жатқызамыз. Мысалы: интернет-қоғамдастықтар, блогтар, әлеуметтік желілер, подкасттар, виртуалды ойындар, вики-сервистері және т.б.
Дәстүрлі медиа артықшылықтары: Халық тек өздеріне таныс дүниеге сенеді. Яғни, адамдар Facebook-тағы қандай да бір адамның мақаласына қарағанда, күнде теледидардан көріп жүрген жаңалықтар жүргізушісі мен тілшісіне сенеді.
Жойылмау, сақтанып қалу. Сайт және ғаламтордағы бар ақпараттардың қандай да бір техникалық ақаулар кесірінен жойылып кетуі әбден мүмкін. Ал қағаз бетіндегі дүниенің сақталып қалу мүмкіндігі біршама жоғары.
Тазалық пен нақтылық. Дәстүрлі медиада артық (қоқыс) жаңалықтар шықпайды. Ал ғаламторда өсек-өтірік жаңалықтар жиі кездеседі.
Дәстүрлі медиа кемшіліктері:Қолайсыз. Кез-келген жерде біз теледидар көріп, радио тыңдай алмаймыз. Өзімізбен бұл құралдарды алып жүру тым ыңғайсыз.
Баяу. Дәстүрлі медиадағы жаңалықтар ғаламторға қарағанда бірнеше сағат кеш шығады.
Халықпен қатынас жоқ. Яғни, қандай да бір жаңалыққа адамдар өз ойын дәстүрлі медиа арқылы жеткізе алмайды.
Жаңа медиа артықшылықтары:Тиімділік. Теледидар, радио, газет-журналдың барлығы 1 құрал- смартфонның ішінде. Ал смартфон, бәріміз білеміз, қолдануға өте ыңғайлы. Уақыт үнемділігі. Себебі, жаңа медиа өзінің жылдамдығымен ерекшеленеді.
Әлеуметтік желілер. Адамдар үшін байланыс ұстаудың, жаңалықтармен бөлісудің ең тиімді бір жолы. Пікір бөлісу. Кез-келген нәрсеге халық өз ой-пікірін айта алады. Яғни, feedback бар.
Жаңа медиа кемшіліктері: Әлеуметтік желілер
Жалған ақпараттар. Жоғарыда айтылғандай, жаңа медиада (ғаламторда) өтірік жаңалықтар жиі кездесіп тұрады.Қазақ халықтың технологияға сауатсыз болуы.
Қорытындылай келе, дәстүрлі медиа мен жаңа медиа арасындағы таңдауда көбіне теңдік жүреді деп айта аламыз. Себебі, кейбірі үшін дәстүрлі медиа дұрыс таңдау болса, басқасы үшін жаңа медиа болуы мүмкін. Сондықтан да, жаңа медиа қаншалықты дамыса да, меніңше, әрқашан да дәстүрлі медиа қолдаушысы табылады.