Ответы
Ответ:
Til - dil kaliti

Vazirlar Mahkamasining Ma'naviyat va davlat tilini rivojlantirish departamenti tashabbusi bilan o'tkazilgan «Qadring baland bo'lsin, ona tilim!» respublika tanlovi g'oliblarini taqdirlash marosimi bo'lib o'tdi.
Xalqimizning bebaho xazinasi, millatimiz ruhini o'zida aks ettirgan o'zbek tilining yanada ravnak, topishi uchun ona tilimizga sadoqat ko'rsatish, uni kelajak avlodga sof holda etkazish har birimizning burchimizdir. Tanlovdan ko'zlangan asosiy maqsad ham, avvalo, shu. Davlat idoralari, hokimliklar va boshqa tashkilotlarda o'zbek tiliga to'liq va to'g'ri amal qilishni kuchaytirish, uning qadrini oshirishdir.
Tadbir avvalida so'zga chiqqan Bosh vazir o'rinbosari B. Musaev nafaqat poytaxtimizda, balki respublikamizning eng chekka hududlarida ham o'zbek tiliga amal qilish, uning qadrini oshirish borasida qilinayotgan ishlar haqida to'xtalib o'tdi. Ilk bor tashkil etilgan ushbu tanlov ona tilimizning ravnaqi yo'lida samarali qadam bo'lishiga ishonch bildirdi.
Tadbir davomida Muqimiy nomidagi O'zbek davlat musiqali drama teatri xonanda va aktyorlari ishtirokidagi sahna ko'rinishlari, musiqiy chiqishlar yig'ilganlarga xush kayfiyat ulashdi.
Tanlov «Davlat tili ustuvorligi ta'minlangan eng namunali hudud», «Davlat tilida ish yuritish yo'lga qo'yilgan eng yaxshi tizim», «O'zbek tilini rivojlantirishga qaratilgan eng yaxshi ilmiy-amaliy loyiha» yo'nalishlarida tashkil etildi. «Davlat tilida ish yuritish yo'lga qo'yilgan eng yaxshi tizim» yo'nalishida ikkinchi o'ringa Ichki ishlar vazirligi munosib topildi.
Vazirlik tizimida o'zbek tiliga amal qilinishini nazorat qilish, xodimlarning so'z boyligini oshirish, xat-hujjatlarning bexato yozilishi, fuqarolar bilan muloqot madaniyatini yanada yuksaltirish yo'lida olib borilayotgan ishlarning namunali deb topilgani quvonarli holdir.
Zotan, so'nggi yillarda Ichki ishlar vazirligi tizimidagi barcha rasmiy ish qog'ozlari milliy tilimizga o'girildi, ish yuritish to'liq davlat tiliga o'tkazildi. eng muhimi, olib borilgan samarali ishlar, ayniqsa, tashkiliy tadbirlar, xususan, kitobxonlik, turli tanlovlar o'tkazish o'zbek tilining qudratini oshirishga, nufuzini yanada balandroq ko'tarishga xizmat qilmoqda.