Ответы
Ответ:
Тәуелсіздік жылдары Қазақстанда әлеуметтік мемлекеттің мықты іргетасы қаланды. Жүргізілген әлеуметтік реформалардың нәтижесінде негізгі мақсаты азаматтардың әл-ауқатын арттыру болып табылатын әлеуметтік қорғаудың көпдеңгейлі жүйесі құрылды. Қазіргі заманғы жаһандық міндеттер мен үдемелі индустриялдық-инновациялық даму әлеуметтік қорғау жүйесінің алдына серіктестік қатысу принципі бойынша барлық мүдделі тараптардың, яғни мемлекет, бизнес және азаматтардың бірігіп тиімді жұмыс жасауын талап ететін, жаңа міндеттер қойды.
Осыған байланысты, әлеуметтік жаңғырту стратегиясында тек мемлекет қана емес, сонымен қатар, экономикалық даму мен қоғамдық игіліктерді бөлу арасындағы оң байланысқа қол жеткізу үшін әрбір Қазақстан азаматының белсенді өмір көзқарастары да маңызды орынға ие.
Әлеуметтік заңнаманы жаңарту, әлеуметтік – еңбек қатынастарының тиімді үлгісін қалыптастыру, өмір сүру сапасының қазақстандық стандарты, әлеуметтік жаңғыртудың ақпараттық – мәдени құрамдас бөлігі және әлеуметтік процестерді мемлекеттік басқарудың тиімді жүйесі,міне осының бәрі әлеуметтік жаңғыртудың негізгі басымдықтары болып табылады