Ответы
1836—1838 жж. Исатай Тайманов және Махамбет Өтемісұлы бастаған ұлт-азаттық көтерілісі
Қозғалыс феодалдық қанау мен Россияның отарлау саясатына қарсы ұйымдастырылған болатын. Өзінің дамуында көтеріліс 3 кезеңді бастан кешті: бірінші (1833-36) — дайындық; екінші (1837 ж. басы - 1837 ж. қараша ортасы) - көтеріліс және жеңіліс, үшінші (1837 ж. желтоқсан ортасы - 1838 ж. шілде ортасы) — Исатай мен Махамбет бастаған көтерілісшілер тобының Оралдың сол жақ жағасына өтуі, күштерді қайта топтастыру, Ақбұлақ өзені жағасындағы ақырғы шайқас.
Қозғалыстың 1-кезеңі төмендегі белгілермен сипатталады: жергілікті билеушілер қарапайым халықтың өмірін шиеленістіріп жіберді, соның салдарынан халықтың наразылығы күшейді; халық жасағын құру жөніндегі жұмыстар белсенді жүргізілді; халықтың наразылығы олардың билер мен сұлтандардың ауылдарына шабуыл жасауынан көрінді.
Ұлттық қозғалыстың негізгі күші көшпелі шаруалар мен қоғамның кедейлерінен тұратын халық тобы болды. Исатай Тайманов бастаған беріш руының ауыддары көтерілістің негізгі ұйымдастырушысы және дем берушісі еді. Көтерілісшілерге ұлт-азаттық қозғалысының идеологтарының біріне айналған, қара халықтың бостандығы үшін күресуші ақын Махамбет Өтемісұлы қосылды.