Ответы
Бәйге - ат жарысы
Ат жарыс дегеніміз үлкен жиын - тойларда өткізілетін ат ойынының негізгі түрі. Енді осының ішінде нақты бәйгеге келетін болсақ, бұл - халық арасында ең кең таралған ат спорты.
Ерте кездері бәйге бес күндік жерге тігілетін болған. Жарыс әділ өту үшін қазылар алқасына әрбір рудың өкілдері енген. Сайыстың өзін ең қадірлі деген екі ақсақал билеген. Бәйгеге қатысатын баланы атшабар бала немесе шабандоз дейді. Бұл сайыста шабандоздың біліктілігі мен шеберлігі аса сынға түседі, себебі сәйгүлік қанша жерден керемет болса да, қашан аттың басын жіберіп, ал қай жерде басын ірку керектігін шабандоз шешеді.
Бәйге басталар алдында ат айдаушылар айқайлап жар салады. Бәйгеге жауапты ақсақал сол кезде қанша ат сайысқа қатысатынын, сыйлық мөлшерін және бәйге қашықтығын жариялайды. Сол жер көмбе болып белгіленіп, қатысушы сәйгүлік аттар жиналған қауымның алдынан бір өткізіліп шығады. Артынша бәйге де басталып кетеді, аттар көмбеге шауып келгенше ол жерде ойын - сауық, күрес өткізілген.
Алыстан шаң білінген кезде, руластары мен бапкерлері шабандозды қолдап, дем беріп, рух беріп қиқулап айқайлайтын болған. Көмбеге жеткен бала басындағы бөрігін төрешіге лақтырған.
Бәйге бүгінгі күнге дейін сақталып, әлі де өткізіліп келеді.