Ответы
Ответ:
Менің ас үйім.
Ас үй – үйдегі ең маңызды бөлме деп айтсам, артық етпес, себебі бұл - әрбір отбасының таңертеңгілік жұмыс пен сабақ алдында, кешкісін жұмыс аяқталғанда бастары қосылып, ас ішіп, әңгімелесетін, ақылдасатын бөлме. Сондықтан да, менің ойымша, әрине, адам уақытының басым бөлігін осы бөлмеде өткізетін болғандықтан ас үй ең керекті, сонымен қатар адам өмірін жеңілдететін тұрмыстық техникамен жабдықталғаны абзал.
Биылғы жылы ата – анам үйімізге күрделі жөндеу жұмыстарын өткізген болатын, оның ішінде ас үйді ерекше атап өткім келіп тұр. Себебі, отбасы болып ақылдасып, ас үйге керек – жарақтың барлығын өзгерткен болатынбыз.
Жөндеуден кейінгі ас үйіміз кең, әрі жарық болды. Анам жиһазды арнайы ақшыл түстерден жасатты. Ал әкем болса, кірістірілетін (встраиваемый) тұрмыстық техника сатып алды. Солардың ішінде, мысалға, тоңазытқыш. Егер біз демалысқа кеткен болсақ, ол тоқты аз мөлшерде пайдалануға бағдарланған. Және ерекше атап өтетін техника – ол ыдыс жуғыш машина. Өте ыңғайлы екеніне көзіміз жетті.
Ас үйіміздің қақ ортасында үлкен, дөңгелек үстел бар. Осы үстелдің басында барлығымыз жиналып шай ішіп, әңгімелескенді ұнатамыз. Қонақжай қазақ болғандықтан дастарқанымыз жиылмай, қонақ келіп қалса, үнемі дайын тұрады.