Галамторган казакстандагы кызгалдактар Туралы акпараттарды Зина.Шетелдик досыта казакстандагы кызгалдактардын ерекшелиги туралы хат жаз
Ответы
Ответ:
Досыма хат (қызғалдақ туралы).
Сәлем, Александр! Қал - жағдайың жақсы ма? Сабағың қалай?
Маған келер болсақ, менде барлығы жақсы. Сабағым да ойдағыдай. Осы жолы саған елімізде өсетін қызғалдақтар жайлы мәлімет жинап, хат жазбақшы болдым.
Гүл патшасы – қызғалдақ біздің жерімізде Тянь-Шань тауларының етегі мен шөлейт даланың түйісер тұсында пайда болған. Қазақ топырағындағы осынау қарапайым, сондай-ақ ерекше гүлдер өз әдемілігімен көптеген халықтың жүрегін жаулап, біртіндеп бүкіл әлемге тараған екен.
Шу-Іле таулары, Талас Алатауы мен Ақсу Жабағылы мемлекеттік табиғи қорығы аумағының орталық, батыс және солтүстік беткейлерінде грейг қызғалдағы өседі.
Қызғалдақ – лалагүлдер тұқымдасына жататын көпжылдық шөптесін пиязшықты өсімдік. Қазақстанда бұл әсем гүлдің 32 түрі кездеседі. Тамырымен жалғасқан буынында пиязшығы болады. Қызғалдақтың өте сирек кездесетін 13 түрі (Альберт қызғалдағы, Борщов қызғалдағы, Грейг қызғалдағы, Кауфман қызғалдағы, Шренк қызғалдағы, т.б.) қорғауға алынып, Қазақстанның «Қызыл кітабына» енгізілген.
Ал сен білесің бе, ерекше әсем көркімен дараланатын қызғалдақтың Отаны – Қазақстан болып саналады? Бүгінде жер жүзінде 3 мыңнан астам түрі біздің дала қызғалдағының ұрпағы.
2002 жылы Нидерланды корольдігіне жасаған ресми сапары кезінде Елбасы Н.Назарбаевқа сол елдің ханшайымы Беатрикс ханым қызғалдақ жайында ағынан жарылып, былай депті: «Ұлы Жібек жолы ғасырлар бойы Еуропаны Азиямен, сондай-ақ Қазақстанды Нидерландымен байланыстырып тұрды. Осы байланыстар біздің елімізге қызғалдақ гүлін әкелді. Бұл гүл осылайша Нидерландыға кең тарады. Гүл саудасында да ол ең өтімді өнімге айналды. Қазіргі кезде қызғалдақ гүлі – нидерландықтардың нөмірі бірінші экспорттық тауары. Сол үшін де Сіздің елге қарыздармыз» деген екен.
Бұл жайт маған ерекше мақтаныш сезімін ұялатады. Сондықтан сенімен бұл ақпаратпен бөліскенді жөн көрдім.
Жақсы, сау бол! Хабарласып тұр!
Сәлеммен,
Досың Әсет.