Ответы
Ответ:
Мәншүк Мәметова 1922 жылы Батыс Қазақстан облысы, Орда ауданы, Жасқұс ауылында дүниеге келген.Туған әкесінің аты – Жеңсігәлі, анасының есімі – Тойылша. Ал өзінің азан шақырып қойған есімі – Мәнсия болған. Жеңсігәлінің немере інісі Ахмет пен оның әйелі Әмина Мәметовтар осы Мәнсияны үш жасар кезінде бауырларына басып, асырап алады. Бұдан былай қарай Мәнсияның өмірі Алматыда жалғасады. «Моншағым» деп еркелететін ата-анасы кішкентай қыздан «Атың кім?» деп сұрағанда «Мәншүк» деп жауап берген екен. Осылайша Мәншүк өз атын өзі қойып, бұдан былай Мәншүк атанып, осы есіммен тарихқа енеді. Осының өзінде Мәншүк 1931-1938 жылдары Алматыдағы №28 мектепте оқып, білім алады. 1938-1940 жылдар арасында жұмысшы факультетінде (рабфак) оқиды. 1940-1942 жылдары Алматы дәрігерлер институтында оқиды әрі ҚазКСР Халық комиссарлары кеңесінде машинистка болып істейді. Ел басына қаралы күн туғанда ерлермен бірге майданға аттанбақ боп, бірнеше мәрте өзі соғысқа сұранып, өтініш жазады. Бірақ ол өтініш «халық жауының қызы» есебінде орындалмайды. Себебі, қазақтың алғашқы зиялыларының бірі болған әкесі Ахмет Мәметов 1937 жылы нақақ жаламен ұсталып, белгісіз жағдайда атылып кеткен болатын. Қаршадай қыздың жүрегіне қара дақ боп қатқан осынау тағдыр жіберген нала оны